“OnePlus” brendin cərgəsində flaqman cihaz olacaq yeni “10 Pro” smartfonunu təqdim edib.
Banker.az xəbər verir ki, Çində satışa çıxarılan bu model 2022-ci ilin yanvarında “Android 12” üzərində işləyən “ColorOS 12.1” sistemini alacaq.
Yenilik “Snapdragon 8 Gen 1” prosessoru, 6.7 düymlük AMOLED-displey, 8 və ya 12 GB operativ, o cümlədən 128 və ya 256 GB daxili yaddaşla təchiz olunub. Smartfonun batareyasının tutumu 5000 mAh təşkil edir.
Qeyd edək ki, “OnePlus 10 Pro” smartfonunun əsas özəlliyi onun kamerasıdır. Qabaq kamera 32 MP, arxa kamera isə 48 MP + 50 MP + 8 MP moduldan ibarətdir. Cihazın kameralarının sazlanmasında fotokamera istehsalçısı “Hasselblad” iştirak etmişdir.
