Londonun ICE birjasının məlumatına görə, Avropada qazın mart fyuçerslərinin qiymətləri ticarətin ilk dəqiqələrində min kubmetr üçün 1000 dolları ötüb.
Banker.az xəbər verir ki, kotirovkalar 10-14% artıb.
Ticarət sessiyasını açılışında qiymət 1028.2 dollar olub ki, bu da 13.7% artımdır. Lakin sonra artım tempi yavaşlayıb, kotirovkalar Bakı vaxtı ilə 11:12-də 983.2 dollar minimumuna enib. Bu, cümə gününün yekun qiymətindən 10.1% yüksəkdir.
