“Orqan köçürmələri, böyrək və qaraciyər köçürmələri icbari tibbi sığorta üzrə xidmətlər zərfinə salınıb”.
Bunu jurnalistlərə açıqlamasında İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev deyib.
Sədr bildirib ki, uşaqla bağlı hər hanı bir əməliyyat qalmışdısa onları da salmışıq ki, vətəndaşların uşaqlarla bağlı hər hansı bir problem olmasın:
“Endaprotezlə bağlı keçən il bizdə limit 300 ədəd idi, indi onu 1200-ə qaldırmışıq, ancaq təcili endoprotezlə bağlı limit yoxdur və nə qədər adamda təcili ehtiyac yaranarsa bu yerinə yetiriləcək”.
