Ağ Evin Milli İqtisadi Şurasının direktor müavini Dalip Sinqh Nyu-Dehliyə son səfəri zamanı Hindistan hakimiyyətinə anti-Rusiya sanksiyalarına əməl etməyin vacibliyi barədə danışıb və Rusiya Federasiyasından neft tədarükündən asılılığın azaldılmasına kömək təklif edib.
Bunu jurnalistlər üçün keçirdiyi növbəti brifinqdə Ağ Evin mətbuat katibi Cen Psaki bildirib.
“Hindistan da daxil olmaqla hər bir ölkə Rusiya neftini idxal edib-etməmək barədə müstəqil qərar verir. Sinqj ABŞ administrasiyasının Hindistana təchizatları diversifikasiya etmək və Rusiya neft idxalından asılılığı daha da azaltmaq üçün yardım etmək istəyini qeyd edib”, – o əlavə edib.
