Aprelin 16-da gecə yarısından Belarusda Avropa İttifaqında (Aİ) qeydiyyatda olan nəqliyyat vasitələrinin (avtomobil və traktorların) Avrasiya İqtisadi İttifaqının gömrük sərhədindən keçirilməsinə qadağa qoyulur.
Qeyd olunur ki, 2022-ci il aprelin 23-dək bu məhdudiyyət aprelin 16-dan əvvəl Belarus ərazisinə daxil olan Aİ-də qeydiyyatdan keçmiş avtomobillərə şamil edilməyəcək.
İstisna olaraq bu cür nəqliyyat vasitələrinin müəyyən maneələr vasitəsilə yük əməliyyatları və daşınması üçün xüsusi ayrılmış yerlərə hərəkətinə icazə veriləcək.
Aİ-də qeydiyyatdan keçmiş poçt və heyvanları daşıyan avtomobillər də məhdudiyyətsiz hərəkət edə biləcək.
