®Türkiyə Cümhuriyyətinin qurucusu və ilk dövlət başçısı Mustafa Kamal Atatürk tərəfindən dünya uşaqlarına hədiyyə olunmuş 23 Aprel Milli Suverenlik və Uşaq Bayramı münasibətilə hər il ənənəvi olaraq Türkiyə Respublikasının Gəncədəki Başkonsulluğunun təşəbbüsü, Gəncə Şəhər İcra Hakimiyyəti və Gəncə Regional Mədəniyyət İdarəsinin təşkilati dəstəyi ilə Fikrət Əmirov adına Gəncə Dövlət Filarmoniyasında şəhid və qazi övladları, həmçinin kimsəsiz ailələrin uşaqları üçün bayram tədbiri təşkil olunmuşdur. Tədbirdə digər şirkətlərlə yanaşı, daim sosial layihələr ilə öz adını duyuran Ziraat Bank Azərbaycan da öz dəstəyini əsirgəməmişdir. Bankın dəstəyi ilə keçirilən tədbirdə uşaqlar üçün şou-proqram, yarışmalar keçirilmiş vəmüxtəlif növ hədiyyələr təqdim olunmuşdur. Tədbirdə Türkiyənin Gəncədəki Baş konsulu Zeki Öztürk uşaqları 23 Aprel Milli Suverenlik və Uşaq Bayramı münasibətilə təbrik edərək, əlamətdar günün tarixindən, əhəmiyyətindən danışmışdır.
“Ziraat Bank Azərbaycan” ASC, Türkiyə Respublikasına məxsus, 158 illik tarixə malik olan “Ziraat Maliyyə Qrupu”-nun tərkib hissəsidir və Azərbaycan Respublikasının Mərkəzi Bankı tərəfindən verilmiş 30.12.2014-cü il tarixli 255 nömrəli lisenziya əsasında fəaliyyət göstərir. Bank korporativ və pərakəndə bankçılıq sahəsində məhsul və xidmətlərini Bakı, Gəncə və Sumqayıt şəhərlərində yerləşən ümumi 7 filialı ilə yanaşı, rəqəmsal satış və xidmət platformaları üzərindən də müştərilərə təqdim edir.
Bankın təqdim etdiyi məhsul və xidmətlər haqqında daha ətraflı məlumatı, Bankın Facebook, Instagram, Twitter, Linkedin sosial media hesablarından və ya *9229 qısa nömrəsinə zəng edərək əldə edə bilərsiniz.
