“Binance Holdings Ltd.” beynəlxalq sanksiyalar dalğası fonunda yüksək vəzifəli Kreml məmurlarının qohumları ilə əlaqəli bir neçə hesabı bloklayıb.
Banker.az “Bloomberg”ə istinadən xəbər verir ki, son iki ay ərzində bloklananlar arasında Rusiyanın xarici işlər naziri Sergey Lavrovun ögey qızı Polina Kovaleva və prezident Vladimir Putinin mətbuat katibi Dmitri Peskovun qızı Yelizaveta Peskova da olub.
Şirkətin Vankuverdəki qlobal sanksiyalar rəhbəri Çarlz Poyrazın sözlərinə görə, birja “sanksiyalara məruz qalan şəxslərlə əlaqəli daha çox şəxs” tapmaq üçün yoxlamalarını davam etdirir.
Xatırladaq ki, ötən həftə “Binance” Avropa Birliyinin son sanksiyalarından sonra dünyanın ən böyük bazarlarından biri olan Rusiyada xidmətləri məhdudlaşdırdığını açıqlamışdı.
“Bloomberg”in qeyd etdiyi kimi, bu qərar kriptovalyutalardan istifadə edərək potensial sanksiyalardan yayınma ilə əlaqəli narahat olan sənaye ekspertlərindən “Binance”ın təsdiqini alıb. Ancaq bu, məhdudiyyətlərin həddi keçdiyini hesab edən insanların mənfi reaksiyasına səbəb olub.
