Sahibkarlığa Kömək Milli Fondu (SKMF) 2015-ci ilin əvvəlindən müvəkkil kredit təşkilatları vasitəsilə sahibkarlara 111 mln. manatdan artıq məbləğdə güzəştli kredit verib.
Banker.az İqtisadiyyat və Sənaye Nazirliyinə istinadən xəbər verir ki, 2015-ci ilin əvvəlindən fondun vəsaitləri hesabına 3,1 mindən artıq sahibkarın layihələri maliyyələşdirilib.
Nazirliyin məlumatında fondun icraçı direktoru Şirzad Abdullayevə istinadən qeyd edilir ki, indiyədək Bakıətrafı qəsəbələrdə fəaliyyət göstərən sahibkarlar 1,079 min investisiya layihəsinin həyata keçirilməsi üçün SKMF-in xətti ilə 249,2 mln. manat məbləğində güzəştli kredit alıblar.
