Manchester United futbol klubunun müdafiəçisi Marcos Rojo ABŞ-da olan komandanın heyətinə gecikdiyi üçün 140 min funt sterlinq (təqribən 198 min avro) cərimə ediləcək.
Futbolçunun məzuniyyəti Amerika Kubokunda iştiraka görə uzadılmışdı. Rojo burada Argentina milli komandasının tərkibində finala çıxmışdı. Futbolçu 25 iyul tarixində komandanın heyətinə qayıtmalı idi. Lakin Rojo Argentinada təyyarəyə buraxılmır. Belə ki, onun şəxsiyyət vəsiqəsinin yararsız olduğu müəyyən edilir.
Planlaşdırılmamış “əlavə tətildən” istifadə edən Rojo fərdi məşq əvəzinə, dostları ilə istirahət etməyə üstünlük verir. Futbolçu özünün Instagram səhifəsində buna dair bir neçə şəkil paylaşmışdır.
Bu baş verənlər Manchester United klubunun baş məşqçisi Louis van Gaal-ı hiddətləndirmişdir və nəticədə o futbolçunu iki həftəlik əmək haqqısı dəyərində cərimə etməyə qərar vermişdir. Marcos Rojo il ərzində təqribən 3,6 milyon funt (5 milyon avro) qazanır.
