Türkiyə hakimiyyəti İsveç və Finlandiyanın NATO-ya üzv olması ilə bağlı 10 şərt irəli sürüb, Banker.az bu barədə “Kommersant”a istinadən xəbər verir. Ankara tələblərini mayın 25-də İsveç və Finlandiyanın nümayəndələri ilə görüşdə açıqlayıb. Şərtlər arasında aşağıdakılar olub:
– hər iki ölkə terror təşkilatları ilə mübarizədə Türkiyəyə dəstək olmalıdır,
– terrorizmlə mübarizə məqsədilə zəruri olan hüquqi normalar qəbul edilməlidir,
– PKK-nın nümayəndəliklərinin genişlənmək cəhdləri dayandırılmalıdır,
– FETO hərəkatının (Ankara tərəfindən terror hərəkatı kimi tanınıb) fəaliyyətinin qarşısını almaq, ona bağlı internet saytlarını və medianı bağlamaq,
– terrorizmlə əlaqəli aktivləri dondurmaq,
– terrorda iştirak edən şəxsləri Türkiyədən deportasiya etmək,
– adı çəkilən terror təşkilatlarının nümayişlərini qadağan etmək,
– Türkiyə ilə kəşfiyyatı paylaşmaq,
– Türkiyədə müdafiə sənayesinin tədarükünə qoyulan məhdudiyyətləri aradan qaldırmaq,
– İsveç və Finlandiya, əgər NATO-ya daxil olarlarsa, yuxarıda göstərilən bütün öhdəlikləri yerinə yetirməlidirlər.
Xatırladaq ki, Finlandiya və İsveç may ayında Rusiyanın Ukraynada hərbi əməliyyata başlamasından sonra NATO-ya qoşulmaq üçün müraciət ediblər. Türkiyə Prezidenti Rəcəb Tayyib Ərdoğan ittifaqın genişlənməsinin əleyhinə çıxış edərək, İsveç və Finlandiyanı terrorçuları dəstəkləməkdə ittiham edib.
