Gündəlik ünsiyyətimiz zamanı istifadə etdiyimiz bir çox əcnəbi sözlərin bir vaxtlar kimlərinsə ad və yaxud soyadı olduğunu yəqin ki, bir çoxlarınız təxmin belə etmir. Bəs bu sözlər hansılardır?
Şarlatan
Əfsanəyə görə, şarlatan sözü fransız həkimi Şarl Laten-in adından əmələ gəlmişdir. O xəstəyə tam sağalacağını vəd edərək yalançı və faydasız əməliyyatlar həyata keçirir, pulu alaraq yoxa çıxırdı. Bədbəxt xəstələrin halı isə daha da pisləşirdi…
Sendviç
IV qraf John Montague Sandwich Ceyms Kuk-un dünya üzrə ekspedisiyası üçün hazırlıq ilə məşğul olurdu və onun nahara ayıracaq elə də çox zamanı olmadığından sadə və rahat sendviçi yaratmışdır.
Baykot
Britaniyalı Charles Boykot İrlandiyada bir torpaq sahibinin yanında işçilərə rəhbərlik edirdi. Bir dəfə işçilər tətil elan edir və ingilisin “istefasını” tələb edirlər. Bu hadisəni işıqlandırmış britaniya mətbuatı sayəsində Boykot soyadı məhz hazırda istifadə etdiyimiz mənanı qazandı.
Cakuzi
Cakuzini isə italiyalı Kandido Yakuzzi (Jacuzzi) ixtira etmişdir. Amerikalıların italyan soyadını yalnış tələffüz etməsi səbəbindən bu ad cakuzi olaraq yadda qalmışdır.
Şovinizm
Bu söz Napoleon ordusunun əsgəri olan Nikol Şoven-in adından yaranmışdır. Belə ki, o Napoleon və Fransaya xidmətdə xüsusi vətənpərvərliyi və pafoslu çıxışları ilə seçilirdi.
Saksafon
Adolf Saks-ın yaratdığı bu musiqi alətini ixtiraçının dostu, bəstəkar Hektor Berlioz belə adlandırmışdır.
İyul və Avqust
İyul ayı Yuli Sezarın, avqust ayı isə Roma imperatoru Oktavian Avqustun şərəfinə belə adlandırılmışdır.
Mesenat
Tarixin ilk xeyriyyəçisinin adı Gaius Mesenat olduğundan xeyriyyəçilik daha sonradan bu adı qazanmışdır.
Siluet
Etienne de Silhouette Fransada maliyyə nəzarətçisi idi. Lakin uğursuz islahat həyata keçirmək cəhdindən sonra vəzifəsini tərk etməli olur. Bu zaman o yeni əyləncə üsulu – divarda insan bədəninin kölgəsini yaratmağı kəşf edir. Bu ideya onun qonaqlarının o dərəcə xoşuna gəlir ki, tezliklə Silhouette-in şöhrəti bütün Avropaya yayılır.
