Pula qənaət etmək elə də asan məsələ deyil. Bu intizam və müəyyən mənada əzm tələb edir. Lakin məsələyə böyük məsuliyyət hissi ilə yanaşsanız belə, səhvlərə yol vermək riskləriniz var. Bəs pula qənaət edərkən yol verə biləcəyimiz səhvlər hansılardır?
Pul yığmağa başlamısınızsa təbrikləri qəbul edə bilərsiniz. Bu o deməkdir ki, daha güvənli gələcək üçün məntiqli addım atmısınız. Hər ay gəlir əldə edib yığımlarınızı artırmağınız hələ o demək deyil ki, seçdiyiniz strategiya idealdır. Maliyyə planlaşdırılması üzrə mütəxəssis David Blaylock vəsait yığılması üçün geniş yayılmış strategiyaları təhlil etmiş və onların bir neçəsinin yaxşılaşdırılması üçün məsləhət vermişdir.
1. Strategiya – Xərclərdən geri qalan məbləği qənaət olaraq ayırıram
Beləliklə, aylıq xərcləri etdikdən, bəlkə də bir qismini əyləncəyə sərf etdikdən sonra geri qalan məbləği bank hesabınıza göndərirsiniz. Prinsipcə balansınızda məbləğn olduğunu bilərək daha çox xərclərə yol verirsiniz. Bunun əvəzində başqa üsuldan istifadə etmək olar.
Əmək haqqı əldə etdikdən sonra etməli olduğunuz ilk iş qənaət hesabınızı artırmaqdır. Bunu özünüzə bir qayda olaraq təyin edin və etməli olduğunuz ən vacib ödəniş kimi qəbul edin. Təbii olaraq, əgər əmək haqqınız digər həyati vacib xərcləri yerinə yetirməyə imkan verirsə.
2. Strategiya – Pulları əmanət hesabına köçürürəm
Tutaq ki, mütəmadi olaraq kənara pul ayırırsınız. Plastik kartla əmanət hesabına sahib olmaq özü həm müsbət cəhət, həm də çox rahatdır. Lakin burada da mənfi bir cəhət var. Pulunuz bitdikdə əmanət hesabından pul çıxarmaq və yaxud düşünülməmiş alış-veriş etmək riski ilə qarşılaşırsınız. Böyük ehtimalla bunu edəcəksiniz. Çünki pulu nağdlaşdırmaq çox asandır. Bunun əvəzində bankda 6 aylıq və yaxud 1 illik depozit açmağı sınayın. Bu formada qənaət üçün nəzərdə tutduğunuz məbləği dəqiq olaraq xərcləyə bilməyəcəksiniz.
3. Strategiya – Mənim bütün əmanətlərim eyni hesabda yerləşir
Sizin yalnız 1 əmanət hesabınız olduqda sizə elə gəlir ki, pullar sürətlə yığılır və hər şeyə bəs edər. Əgər mənzil və yaxud avtomobil üçün əmanət yığırsınızsa hər şey qaydasındadır. Yox əgər bir neçə məqsədiniz varsa bank hesabı məsələni çətinləşdiri və siz proqresi görmürsünüz. Bu zaman pulun nəyə kifayət edəcəyini təxmin edə bilmirsiniz. Bu zaman atacağınız ən doğru addım 1 neçə əmanət hesabına sahib olmaqdır. Bununla real proqresi daim izləyə bilərsiniz.
4. Strategiya – Mümkün olan istənilən an iri həcmdə məbləği əmanət olaraq ayırıram
Bəzi insanlar mütəmadi şəkildə qənaət etmir, əllərinə çox pul düşdükdə böyük bir hissəsini ayırırlar. Bunun əvəzində isə qarşınıza konkret məqsəd qoymağınız daha məqsədəuyğundur. Hər ay əmanət üçün ayırmalı olduğunuz məbləği dəqiqləşdirin. Həyat şəraitinizə ziyan vurmadan onu artırmaq imkanınız varsa bunu edin.
5. Strategiya – Bacardığım bütün məbləğə qənaət edirəm
Qənaət etməyin bütün mümkün mühümlüyünə baxmayaraq bu prosesə həddindən artıq aludə olmaq və özünüzü həyat məmnunluğundan məhrum etməli deyilsiniz. Məhz həyat məmnunluğu bizi xoşbəxt edir və psixi sağlamlığımızı qoruyur.
Əmanət hesabınız üçün yuxarıda qeyd etdiyimiz kimi, həyati mühüm xərclər və məmnunluğunuza maneə törətməyəcək müəyyən məbləğ ayırın.
