“Wells Fargo” İnvestisiya İnstitutunun ekspertləri bildirirlər ki, ABŞ iqtisadiyyatında potensial tənəzzüllə bağlı qorxular artıq mənasızdır. Onların sözlərinə görə, resessiya artıq aktivləşib, ştatlar bu mərhələyə 2022-ci ilin ikinci yarısında daxil olmağa başlayıb.
Banker.az bu barədə “Banki.ru”ya istinadən xəbər verir.
Gözləniləndən daha sürətli inflyasiya, istehlakçı əhval-ruhiyyəsinin pisləşməsi və korporativ xərclərin azaldılması bu inkişafa kömək edib. ABŞ iqtisadiyyatı 2022-ci ilin birinci rübündə 1.6% azalıb. Eyni zamanda, 2020-ci ildən bəri ilk dəfə qeyd olunan ABŞ ÜDM-nin azalması ixracın və dövlət xərclərinin azalması ilə əlaqələndirilir.
İşsizliyə gəlincə, “Wells Fargo” İnvestisiya İnstitutunun məlumatına görə, onun səviyyəsi bu il 4.3% və 2023-cü ilin sonuna qədər 5.2% olacaq, halbuki əvvəllər proqnozlaşdırılan rəqəmlər müvafiq olaraq 3.8% və 4.4% olub.
