Vegeterian qidalanma tərzinə üstünlük verənlər və ət məhsulları ilə qidalanmaqdan imtina edən insanlar, ət yeyən insanlarla müqayisədə qocalıq zamanı beyinin işinin pozulması ilə daha az üzləşirlər. Belə bir nəticəyə Çikaqoda Rush universitetində nəzdində tibbi mərkəzin alimləri gəlmişlər. TASS-ın verdiyi məlumata görə, araşdırma gedişində minlərlə könüllü şəxsdə qida seçimi ilə intellekt səviyyəsi arasındakı əlaqə tədqiq edilmişdir.
Araşdırma tam olaraq 5 il davam etmişdir. Bu dövr ərzində mütəxəssislər 70-80 yaşlı insanlarda beyin fəallığını təhlil etmişlər. Onlar arasında ömrü boyu ətdən imtina etməyən şəxslər də var idi. Könüllülərin üçdə bir hissəsi isə uzun illər boyu ətdən imtina etmiş insanlardan ibarət idi.
Çikaqo universiteti nəzdində mərkəzin mütəxəssisi Marta Kler Morrisin sözlərinə görə, vegeterian məhsullar əhəmiyyətli dərəcədə beyinin qocalması prosesini ləngidir.
O həmçinin qeyd etmişdir ki, ət, pendir, un və qızardılmış qidadan imtina edən şəxslər normal qaydada qidalanan şəxsləri əqli inkişaf baxımından orta hədlə 7 il geridə qoymuşlar.
