İnanmaq çətindir ki, saat istehsalında məşhur şirkət olan Tissot 1850-ci ildə İsveçrənin kiçik Le-Lokl şəhərində adi saat emalatxanası idi.
“Şarl Tisso və oğlu” adlı emalatxana mövsumi olaraq saat istehsalı ilə məşğul olurdu. Saat istehsalında qış ərzində işsiz qalan ferma işçiləri iştirak etdiyindən istehsalat mövsümi xarakter daşıyırdı.
Beləliklə, ailə şirkəti cib saatları istehsal edirdi. Çox az sayda və tək-tək buraxılmasına baxmayaraq bu saatlar İsveçrədə böyük populyarlıqla istifadə olunurdu. Lakin Şarlın kiçik oğlu Şarl-Emil üçün bu kifayət deyildi və o 1858-ci ildə tələbat bazarını genişləndirmək məqsədilə Rusiyaya səfər edir. Onun bu addımında ona Rusiya və Almaniyada nümayəndəlik açan atası kömək edir.
Şarl-Emil Rusiyada 15 ildən artıq bir vaxt keçirir. O yeni-yeni bazarlar kəşf etmək məqsədilə zamanının çoxunu səyahətlərdə keçirirdi. 1915-ci ildə Tissot markalı ilk qol saatları buraxılır və Moskvada böyük populyarlıq qazanır. Demək olar ki, Tissot brendinin Avropaya yol açması Moskvadan başlamışdı. Tissot şirkətinin devizi – az pula yüksək keyfiyyətdir.
Qeyd edək ki, 1930-cu illərində iki məşhur Tissot və Omega şirkətləri ümumi SSIH şirkətində birləşməklə, nümayəndəlikləri Cenevrə şəhərində yerləşir.
Omega şirkəti sırf olaraq prestijli modellərə istiqamətləndiyi bir halda, Tissot orta sinifə uyğun modellərə sadiq qaldı. Onu da qeyd edək ki, şirkət ilk plastik saatlarını 45 il bundan əvvəl buraxmışdı.
Tissot öz tarixi boyu (150 il) öz yaradıcılarının əməksevərliyi və saat brendinin davamçıları sayəsində bu sahə üzrə nümunəvi şirkətdir. İsveçrədə hazırda əhalinin 50%-i Tissot saatlarından istifadə edərək, bu brendi keyfiyyət, etibarlılıq və yaxşı zövq nümunəsi hesab edirlər.
