iPhone 14 Plus smartfonunun rəsmi debütündən iki həftədən az vaxt keçməsinə baxmayaraq, “Apple” tələbatın olmaması səbəbindən istehsalı azaltmağa qərar verib. Şirkətin podratçılarından biri yeni smartfon üçün komponentlərin istehsalını tamamilə dayandırmaq məcburiyyətində qalır.
Banker.az bu barədə xarici mediaya istinadən xəbər verir.
Bəzi məlumatlara görə, sentyabrın sonuna “Apple” ilin ikinci yarısında iPhone 14 seriyalı smartfonların istehsalını ilkin səviyyəyə nisbətən artırmaq planlarından imtina etməli olub. İstehsal proqramına o vaxt bildirildiyi kimi, 96 milyon ədəd əvəzinə 90 milyon smartfon istehsalı daxildir.
