Türkiyə şirkəti Sabancı Holdinq 2022-ci ilin ilk 9 ayı üzrə maliyyə nəticələrini açıqlayıb.
Banker.az Türkiyə mətbuatına istinadən xəbər verir ki, sözügedən dövrdə Sabancı Holdinq-in ümumi satışları 175% artıraraq 275.4 milyard TL (14.81 milyard USD//25.17 milyard AZN) səviyyəsinə yüksəlib. Şirkətin konsolidə edilmiş xalis mənfəəti isə 9 ayda 27.2 milyard TL (1.46 milyard USD//2.49 milyard AZN) olub.
Sabancı Holdinq-in Baş icraçı direktoru Cenk Alper bu barədə açıqlamasında bildirib ki, Holdinq bütün şirkətləri ilə birlikdə “Dünyanın Sabancısı” olmaq yolunda mühüm transformasiya həyata keçirir.
