2022-ci ilin ilk 10 ayında (yanvar-oktyabr) Azərbaycan bankları kreditlər üzrə 1 795.6 milyon manat faiz gəlirləri əldə ediblər. Bu, ötən ilin eyni dövrü ilə müqayisədə 401.3 milyon manat və ya 29% çoxdur.
Banker.az bu barədə Azərbaycan Mərkəzi Bankına istinadən xəbər verir.
2022-ci ilin yanvar-oktyabr aylarında Azərbaycan bankları depozitlər üzrə 367.6 milyon manat faiz ödəyiblər. Bu, ötən ilin eyni dövrü ilə müqayisədə 70.4 milyon manat və ya 24% çoxdur.
Bu ilin 10 ayında faizlər üzrə xərcləri isə 528.7 milyon manat olub. Bu xərc ötən ilin eyni dövründə 448 milyon manat idi.
