Avropa İttifaqı Türkiyəni Rusiya ilə ticarət siyasətini dəyişməyə və Qərbin Rusiya əleyhinə sanksiyalarına qoşulmağa çağırır.
Bu, Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Jozef Borrelin Avropa Parlamentinə məktubunda qeyd olunub.
Jozef Borrel qeyd edib ki, Ankaranın Moskvaya qarşı məhdudiyyətlər tətbiq etməkdən çəkinməsi narahatlıq doğurur.
Aİ-nin Ali Nümayəndəsi Aİ və Türkiyənin gömrük ittifaqı formalaşdırdığını, bunun həm mülki, həm də hərbi məqsədlər üçün istifadə edilə biləcək ikili təyinatlı malların ticarətinə imkan yaratdığını nəzərə çatdırıb. Jozef Borrel Türkiyənin Rusiyaya sanksiyalardan yan keçmək variantları təklif etməməsini zəruri sayıb.
Türkiyənin Avropa İttifaqına üzvlüyə namizəd ölkə olduğunu xatırladan Jozef Borelə qeyd edib ki, bütün üzv ölkələrin Aİ-nin qərarlarını dəstəkləməsini gözləyirlər: “Avropa İttifaqı Rusiyanın Ukraynaya hücumu və Qərbin sanksiyaları fonunda Ankaranın Rusiya ilə sıx tərəfdaşlıq əlaqələrini dəstəkləməsindən narahatdır”.
