“Rumıniya Şengen zonasına qoşulmaq üçün çox işlər görüb, bu məsələ tezliklə Aİ-nin gündəminə qayıtmalıdır”.
Almaniya Xarici İşlər Nazirliyinin rəhbəri Annalena Burbok bildirib.
“Rumıniya və Bolqarıstan Şengen zonasına daxil olmağa hazırlaşmaq üçün çox şey ediblər. Xüsusilə, Rumıniya böyük səy göstərib və bütün tələblərə cavab verir. Əminəm ki, bunun ardınca Şengenə qoşulacaq. Bunun üçün bu məsələnin Aİ-də tez bir zamanda gündəmə gətirilməsi vacibdir”, – deyə nazir bildirib.
Onun sözlərinə görə, Rumıniya üçün imtina vəziyyəti Aİ-nin “geosiyasi səhvidir”.
Bundan əvvəl Rumıniya və Bolqarıstanın Şengen zonasına daxil olmaq üçün müraciətlərinin rədd edildiyi məlum olub .
Daha öncə Xorvatiyanın baş naziri Andrey Plenkoviç Tvitter hesabında bildirib ki, Aİ Şurası ölkənin yanvarın 1-dən Şengen zonasına daxil olması ilə bağlı razılığa gəlib.
Onun sözlərinə görə, Xorvatiya Daxili İşlər və Ədalət Şurasının yekdil dəstəyini alıb və 2023-cü il yanvarın 1-dən Şengen sazişinin üzvü olacaq.
