Fransada Monakodakı daşınmaz əmlak agentləri ilə bağlı araşdırma aparılır, çünki onlar rus oliqarxlarına sanksiyalardan yayınmağa kömək etməkdə şübhəli bilinirlər.
Bu barədə Fransa İqtisadiyyat Nazirliyinin bəyanatında bildirilir.
Sentyabr ayında Dənizkənarı Alplarda daşınmaz əmlak agentlikləri ilə bağlı məqsədyönlü istintaq əməliyyatı həyata keçirilib. Nazirliyin dələduzluqla mübarizə bürosu bildirib ki, yoxladıqları qurumların 60%-i ya sanksiya öhdəliklərindən xəbərsiz olub, ya da onlara əməl etməyib.
Qanun pozuntuları arasında bəzi daşınmaz əmlak agentlərinin müştərilərinin adlarının ölkənin aktivlərinin dondurulması reyestrində olub-olmadığını yoxlaya bilmədiyi qeyd edilib.
Fransanın maliyyə naziri Bruno Le Mer deyib ki, sanksiyaların həyata keçirilməsində rieltorların iştirakı aktivlərin dondurulması tədbirlərinin uğurunun açarıdır.
“Bu, xüsusilə Ukraynadakı münaqişə kontekstində qeyri-qanuni fəaliyyətlərin maliyyələşdirilməsinin dayandırılması üçün ilkin şərtdir”.
Qeyd olunub ki, son onilliklər ərzində sanksiyaya məruz qalan ruslar Monakodakı ən eksklüziv daşınmaz əmlakı ələ keçiriblər.
