“Atəşgah Sığorta” ASC-nin İdarə Heyətinə yeni sədr seçilib.
Banker.az xəbər verir ki, bununla bağlı sığorta şirkətinin səhmdarları qərar qəbul edib.
Qərara əsasən, İdarə Heyətinin sədri müvəqqəti əsasla Kazımov Tahir İslam oğlu seçilib. O buna qədər İdarə Heyətinin üzvü idi.
Bundan öncə “Atəşgah Sığorta”nın sədri Azər Əliyev idi və o istefa verərək Dövlət Məşğulluq Mərkəzinə təyinat alıb.
Xatırladaq ki, “Atəşgah Sığorta” 1996-cı ildə yaradılıb. Onun nizamnamə kapitalı 5 008 500 manatdır. Şirkətin səhmlərinin 63%-i “ISR Holding” MMC-yə, 27%-i “Ran-Exim” MMC-yə, 10%-i isə Azərbaycan Dövlət Neft Şirkətinə (SOCAR) məxsusdur.
