Qazaxıstan Milli Bankı uçot faiz dərəcəsini 16.75% səviyyəsində saxlamaq qərarına gəlib. Ölkədə 2023-cü ilin yanvarında illik inflyasiya 2022-ci ildəki 20.3%-ə qarşı 20.7% təşkil edib.
Banker.az bu barədə “Kommersant”a istinadən xəbər verir.
Tənzimləyicinin mesajından belə çıxır ki, inflyasiyaya əsas töhfə ərzaq məhsullarının bahalaşması olub. Aylıq inflyasiya ardıcıl dördüncü ayda 1.1%-ə qədər yavaşlamağa davam edib, lakin yenə də tarixi orta göstəricini üstələyib.
Milli Bank əlavə edib ki, dekabr ayından sonra inflyasiya gözləntiləri aşağı düşüb. Tənzimləyici izah edib ki, bu, inflyasiyanın sürətlə azalmasının qarşısını alır.
