Türkiyənin gömrük sistemi paralel idxal sxemləri ilə Rusiyaya daxil olan malların tranzitini əngəlləməyə başlayıb. Mütəxəssislər Türkiyə tərəfinin qərarını ABŞ dövlət katibi Entoni Blinkenin ölkəyə son səfəri ilə əlaqələndirirlər.
Banker.az bu barədə Forbes-ə istinadən xəbər verir.
Bloomberg mənbələri bildiriblər ki, ABŞ rəsmiləri Rusiyanın Ukraynada müharibəni genişləndirmək üçün müdafiə sənayesi tərəfindən istifadə oluna biləcək on milyonlarla dollar dəyərində sanksiya malları aldığını açıqlayıb, o cümlədən Türkiyəyə Rusiya ilə ticarət əlaqələrini məhdudlaşdırmağı tövsiyə edib.
