Son 7 ildə Bakı Beynəlxalq Dəniz Ticarət Limanında aşırılan yüklərin həcmi 2 dəfədən çox artıb.
Bunu Dövlət Gömrük Komitəsinin sədr müavini Natiq Şirinov Transxəzər Beynəlxalq nəqliyyat Şərq-Qərb Dəhlizi boyu “bir pəncərə” prinsipindən istifadə etməklə tranzit gömrük prosedurunun sadələşdirilməsi layihəsi (Data pipeline) üzrə çoxtərəfli görüşdə çıxışı zamanı bildirib.
“Limanın I fazada yükaşırma potensialı 15 milyon tondur. Biz son illər infrastruktur layihələrinə yatırdığımız investisiyaların hesabına tranzit yük daşımalarının həcminin artırılmasına nail olduq və hazırda daha çox yük qəbul etməyə hazırıq”, – deyə o qeyd edib.
