“Şirvan Sığorta və Təkrar Sığorta Brokeri” MMC 2022-ci ildə 28.9 min manat xalis mənfəət əldə edib.
Banker.az bu barədə şirkətin illik audit hesabatına istinad edir.
Onun gəlirlərinin həcmi hesabat müddətində 66.15 min manat, xərcləri 30.02 min manat təşkil edib.
İllik xalis mənfəət bölüşdürülməmiş mənfəət 41.41 min manat təşkil edib.
“Şirvan Sığorta və Təkrar Sığorta Brokeri” MMC 2014-cü ildə təsis edilib, 1000 manat nizamnamə kapitalı var. Onun direktoru Vüqar Mirzəyev Bəhlul oğludur. Broker Bakı şəhəri Yasamal rayonu, Nəriman Nərimanov pr., ev 11, m. 25 ünvanında hüquqi qeydiyyatdadır.
