Striminq xidməti “Netflix” Cənubi Koreyaya investisiyaları ikiqat artıracaq. Şirkət növbəti dörd il ərzində daha çox Cənubi Koreya dramları, filmləri və realiti şouları istehsal etmək üçün 2.5 milyard dollar sərmayə qoyacaq, çünki Koreya kontenti populyar olmağa davam edir.
Banker.az bu barədə İnc.ru-ya istinadən xəbər verir.
Yeni investisiyalar təkcə “Netflix” üçün deyil, həm də Cənubi Koreyanın kontent sənayesi üçün “böyük bir fürsət” olacaq. 2021-ci ildə şirkət rəhbərləri “Netflix”in Cənubi Koreya kontentinə 2016-cı ildən artıq qoyulmuş 700 milyon dollara əlavə olaraq təxminən 500 milyon dollar investisiya etməyi planlaşdırdığını açıqlayıb.
2022-ci ildə “Netflix” 25 orijinal Cənubi Koreya layihəsini yayımlayıb. Şirkət bütün istifadəçilərin 60%-dən çoxunun Koreya şoularına və ya filmlərinə baxdığını bildirib. “Netflix”in hesabatına görə, xidmət keçən il Asiya-Sakit Okean regionundan 1.4 milyon abunəçi qazanaraq onu platformada ən sürətlə böyüyən bölgəyə çevirib.
