Azərbaycanda biznes mərkəzlərinə sahib “AGA Group”un kredit biznesi “City Finance Bank Olmayan Kredit Təşkilatı” MMC-nin səhmlərinin bir hissəsini Habib Zadeh Mohammed Reza Parviz adlı ötürüb.
Banker.az-ın əldə etdiyi məlumata görə, Şirkətlər Qrupu Habib Zadeh Mohammed Reza Parviz adlı şəxsə BOKT-nin səhmlərinin 27.5%-ni satıb.
Beləliklə, 5 mln. manat nizamnamə kapitalının 72.5%-i “AGA Group”a (3 mln. 625 min manat) və 27.5%-i (1 mln. 375 min manatı) Habib Zadeh Mohammed Reza Parvizə məxsus olub.
Mohammad Reza Habib Zadeh “Ferrum Capital”ın təsisçisi və Müşahidə Şurasının sədridir.
