Məhsulun ticari təqdim edilməsi prosesi bir çox hallarda məhz ona görə uğursuzluqla nəticələnir ki, potensial alıcı ilə söhbət zamanı satıcı ona məhsulun təqdim edilməsində səhvə yol verir. Bu səhvlər isə adətən çoxlarının yol verdiyi 3 elementar səhvdir. Xoşbəxtlikdən bu səhvləri düzəltmək asandır.
Həddindən artıq çox lazımsız məlumat verirsiniz:
Hər hansı bir məhsulu təqdim edərkən onun müştərinin həyatını necə dəyişəcəyini izah etmək əvəzinə onun hansı materialdan hazırlandığından bəhs etmək təbii ki, müştərini yoracaq. Məhsulun təqdim edilməsi anını 3 açar mövqeli cümlə ilə tamamlayın. Birincisi, məhsul unikal olmalı, ikincisi isə məhz bu müştəri üçün lazımlılığı önəmli olmalıdır. Təklifinizin unikal dəyərlərini, sizin şirkət və məhsul hansı dəyəri qazandıra bilər və nəyə görə digərlərində bu məhsuldan yoxdur. Bunu konkret, sadə və parlaq nümunələr ilə izah edin.
Mövzudan kənarlaşırsınız:
Özünüzü müştərinin yerində təsəvvür edin və söhbəti onun maraqları çərçivəsində aparın ki, o sizin məhsulunuzun onun biznesinə hansı faydaları qazandıracağını anlasın. Məhsulu təqdim edərkən müştərinin ehtiyacları, problemləri və arzularını ön plana çəkin. Təklifinizin cari vəziyyəti necə yaxşıya doğru dəyişdirəcəyini təsvir edin.
Digərlərindən nə ilə fərqləndiyinizi demirsiniz:
Potensial sifarişçiniz onsuz da asan şəkildə qərar qəbul edə bilmir, buna görə də bir azda siz vəziyyəti çətinləşdirməyin. Əgər özünüz rəqibləriniz ilə sizin aranızda olan fərqinizi izah edə bilmirsinizsə bunu sizin əvəzinizə kim edəcək?
Hər zaman rəqibləriniz ilə aranızdakı əsas fərqi izah edən sadə bir neçə cümləni ehtiyat olaraq hazır saxlayın. Bundan əlavə, digər müştərilərin rəqibləriniz haqqında dediyi mənfi rəyləri də aranızdakı fərq olaraq istifadə edə bilərsiniz.
