Suriya nümayəndə heyəti Ər-Riyaddakı danışıqlar zamanı rəsmi Dəməşqin digər ərəb dövlətləri ilə əlaqələri inkişaf etdirməyə hazır olduğunu vurğulayıb.
Bu barədə “Syrian Arab News Agency” (SANA) agentliyi bildirib.
Qeyd olunub ki, Ər-Riyadda keçirilmiş 10-cu Ərəb-Çin Biznes Konfransı çərçivəsində Səudiyyə Ərəbistanı ilə Suriya iqtisadiyyat, ticarət və investisiya sahələrində əməkdaşlığı bərpa etmək barədə razılığa gəliblər.
Suriya nümayəndə heyəti həmçinin, Ər-Riyadın Suriya dövlətinə və xalqına münasibətdə mövqeyini yüksək qiymətləndirib, suriyalı sahibkarların Səudiyyə Ərəbistanı bazarına daxil olmaq və krallığın iqtisadiyyatının müxtəlif sahələrinə sərmayə qoymaq istəyini vurğulayıb.
