Azərbaycan Yerüstü Nəqliyyat Agentliyi (AYNA) tərəfindən Bakı-Biləsuvar, Bakı-Qazax, Bakı-Ağcabədi, Bakı-Lənkəran, Bakı-Quba, Bakı-Qusar, Bakı-Qusar (SDK), Bakı-Xaçmaz, Bakı-Nabran, Bakı-Xudat, Bakı-Şabran, Bakı-Oğuz, Bakı-Göyçay şəhərlərarası, Mingəçevir 5 nömrəli şəhərdaxili müntəzəm avtobus marşrutları, eləcə də “Ceyranbatan qəsəbəsi-“Xocəsən” metro stansiyası-Ceyranbatan qəsəbəsi” və “Masazır qəsəbəsi-“Xocəsən” metro stansiyası-Masazır qəsəbəsi” marşrut xətləri müsabiqəyə çıxarılaraq qaliblər müəyyən edilib.
Banker.az xəbər verir ki, müsabiqə “Avtomobil nəqliyyatı haqqında” Qanuna, Nazirlər Kabinetinin 2009-cu il 3 aprel tarixli 52 nömrəli qərarı ilə təsdiqlənən “Avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıların cəlb olunmasına dair müsabiqənin keçirilməsi Qaydası”na uyğun təşkil olunub.
Müsabiqənin qalibləri – 21 fiziki və 8 hüquqi şəxsin hər biri ilə daşıyıcı qismində sərnişindaşıma fəaliyyətinin göstərilməsi üçün qanunamüvafiq qaydada müqavilə imzalanıb və onlara hazır sənədlər “Bakı KOB evi”ndə AYNA-nın əməkdaşları tərəfindən təqdim olunub.
Qeyd edək ki, şəhərlərarası marşrut xətləri müvafiq qanunvericiliyin tələblərinə uyğun olaraq mərhələli qaydada müsabiqəyə təqdim edilir.
“Bakı KOB evi”ndə daha bir məntəqə – Gəncə Beynəlxalq Avtovağzal Kompleksinə 1-ci kateqoriyalı avtovağzal pasportu verilib. Bununla da 33 avtovağzal və 15 avtostansiya olmaqla ölkə üzrə pasportlaşdırılan məntəqələrin sayı 48-ə çatdırılıb.
Qaliblər:
| Marşrut | Daşıyıcı |
| Bakı-Biləsuvar-Bakı | fiziki şəxs Həsənli Mirnahid İqbal oğlu |
| Bakı-Qazax-Bakı | fiziki şəxs Hümmətov Həsən Ələddin oğlu |
| Bakı-Ağcabədi-Bakı | fiziki şəxs Məmmədov Namiq Mehdiqulu oğlu |
| Bakı-Lənkəran-Bakı | fiziki şəxs Əliyev Faiq Əziz oğlu
fiziki şəxs Fətullayev Anar Bahadur oğlu |
| Bakı-Quba-Bakı | fiziki şəxs Yusifzadə İlqar Əzim oğlu
fiziki şəxs Mövlanov Mənsur Seyidmurad oğlu hüquqi şəxs “Uğurlu Yol” MMC |
| Bakı-Qusar-Bakı | fiziki şəxs Məstəliyev Xəyyam Səxavət oğlu
fiziki şəxs Mustafayev Güləli Nəbi oğlu fiziki şəxs İsayev Rza Seyidmirzə oğlu hüquqi şəxs “Uğurlu Yol” MMC hüquqi şəxs “Quba Avtovağzal” MMC |
| Bakı-Xaçmaz-Bakı | fiziki şəxs Əkbərova Mehriban Telman qızı
hüquqi şəxs “Uğurlu Yol” MMC |
| Bakı-Nabran-Bakı | fiziki şəxs İsayeva Məlahət Teymur qızı
hüquqi şəxs “Uğurlu Yol” MMC |
| Bakı-Qusar (SDK)-Bakı | fiziki şəxs Abbasov Hüseyn Əliabbas oğlu |
| Bakı-Xudat-Bakı | hüquqi şəxs “Uğurlu Yol” MMC |
| Bakı-Şabran-Bakı | fiziki şəxs Şahbazov Fəxrəddin Şirəli oğlu
fiziki şəxs Qasımov Fətulla Əli oğlu fiziki şəxs Qasımov Tərlan Əli oğlu fiziki şəxs Hacıyev Nuru Fizuli oğlu fiziki şəxs Ağayev Ağahüseyn Mahmudağa oğlu |
| Bakı-Oğuz-Bakı | fiziki şəxs Məhərrəmov Urxan Urfan oğlu |
| Bakı-Göyçay-Bakı | fiziki şəxs Həşimov Abbas Məcid oğlu |
| Mingəçevir 5 nömrəli şəhərdaxili | fiziki şəxs Cəlilova Sürəyya Abbasəli qızı |
| “Ceyranbatan qəsəbəsi-“Xocəsən” metro stansiyası-Ceyranbatan qəsəbəsi” | hüquqi şəxs “Sahil” MMC |
| “Masazır qəsəbəsi-“Xocəsən” metro stansiyası-Masazır qəsəbəsi” | “F.Rövşən” İstehsalat Birliyi |
