12:47
Daha 6 dövlət BRICS-ə üzv olacaq.
Bu barədə Yohannesburqda keçirilən 15-ci BRICS sammitinin yekunlarına dair çıxış edən CAR Prezidenti Cyril Ramafoza bildirib.
Yeni üzvlər arasında Argentina, İran, Birləşmiş Ərəb Əmirlikləri, Səudiyyə Ərəbistanı, Efiopiya və Misir var.
“Üzvlük 2024-cü il yanvarın 1-dən qüvvəyə minəcək”, – deyə CAR Prezidenti Ramafoza bildirib.
***
09:08
Argentina, İran, Səudiyyə Ərəbistanı, Misir və BƏƏ təşkilatın Cənubi Afrikadakı sammitindən sonra BRICS-ə qoşulacaq. Məlumatına görə, ölkələr coğrafi əsasda seçilib. Gələcəkdə Afrika ölkəsi də BRICS-ə daxil ola bilər.
Qeyd edək ki, BRICS beş dövlətdən ibarətdir: Braziliya, Rusiya, Hindistan, Çin və Cənubi Afrika. Cənubi Afrikanın BRICS-dəki nümayəndəsi Anıl Suklal 19 ölkənin qrupa qoşulmaq istədiyini bildirib, Banker.az bu barədə Kommersant-a istinadən xəbər verir. Misir və Boliviya BRICS-ə üzv olmaq üçün iyunda, Venesuela isə avqustda müraciət edib. Argentina da maraqlananlar arasında olub. “Bloomberg” Hindistan və Braziliyanın təşkilatın genişlənməsinə qarşı çıxdığını yazıb.
Avqustun 23-də Cənubi Afrika Respublikasının xarici işlər naziri Naledi Pandor BRICS ölkələrinin Yohannesburqda keçirilən sammitdə onun genişləndirilməsinin parametrlərini təsvir edən sənəd qəbul etdiklərini açıqlayıb.
