“Tesla” 25 min avroya büdcəyə münasib elektrik avtomobil istehsal etməyi planlaşdırır.
Bu barədə “Reuters” yazıb.
Agentlik mənbələrə istinadən bildirib ki, şirkət Berlin yaxınlığındakı zavodların birində büdcəli avtomobillər yığmağı planlaşdırır.
Bundan əvvəl şirkətin rəhbəri İlon Mask Qrünheydedəki zavoda baş çəkərək, müvafiq planlardan danışıb.
İstehsalın nə vaxt başlaya biləcəyi bilinmir, lakin “Tesla”nın səhmləri ABŞ-da artıq 3% artıb.
