Hal-hazırda fizioloqlar insanların gün ərzində bir deyil, iki dəfə yatmalı olduqlarını bəyan edirlər. Onlar günorta yatmağın diqqətin artmasına və əməyin məhsuldar olmasına səbəb olduğunu sübut ediblər.
Məsələn, görmə qabiliyyəti reaksiyasının sürəti səhər 10 millisaniyə, axşam isə 40 millisaniyə təşkil edir.
Lakin əgər siz günorta yatmısınızsa, o zaman axşam da məlumatı cəld qəbul edirsiniz.
Günorta yuxunun faydasını sübut edən digər fakt isə insan hərarətinin gün ərzində sabit olmamasıdır. Belə ki, insan bədənin hərarəti gündə iki dəfə 3-5 və 13-15 saatları intervalında dəyişir. Məhz bu vaxt əksər insanlarda yatmaq istəyi əmələ gəlir.
