İnvestisiya şirkəti institutunun məlumatına görə, ABŞ pul bazarı fondlarının aktivlərinin həcmi ilk dəfə olaraq 6 trilyon dolları ötüb. “Bloomberg”in qeyd etdiyi kimi, təkcə yanvarın son yeddi günündə fondun aktivlərinin həcmi 41.7 milyard dollar artıb.
Son iki həftə ərzində investorların vəsaitlərini yüksək likvidli aktivlərə yönəlmiş fondlardan çıxarmasına baxmayaraq, ümumilikdə investisiyaların həcmi ABŞ Federal Ehtiyat Sisteminin (FED) 2022-ci ildə əsas faiz dərəcəsini artırmaq üçün uzun bir kampaniyaya başlamasından sonra bu fondlar tədricən artıb.
Böyük iqtisadiyyatların mərkəzi bankları son iclaslarında faiz dərəcələrinin azaldılması perspektivinə işarə etsələr də, FED sədri Ceromi Pouell çərşənbə günü bildirib ki, investorlar mart ayında faiz dərəcələrinin azaldılmasını gözləməməlidirlər.
