Azərbaycan Respublikası Dövlət Neft Fondu 2024-cü ilin ilk iki ayında Azəri-Çıraq-Günəşli (AÇG) yatağından 862 mln. ABŞ dolları gəlir əldə etdiyini açıqlayıb.
Banker.az bunu Fonda istinadən xəbər verir.
Bununla da hasilatı aybaay düşən AÇG-dən Dövlət Neft Fondunun gəlirləri 35 faizə yaxın düşüb. 2023-cü ilin müvafiq iki ayında AÇG-dən 1 mlrd. 324 mln. dollar gəlir əldə edilmişdi.
Şahdəniz yatağından (qaz və kondensat) əldə edilən gəlir ilin yanvar-fevral aylarında 78.5 mln. dollar olub. Bu göstərici öncəki il cəmi 58.06 mln. dollar idi. O cümlədən, Şahdəniz yatağı üzrə kondensatın satışından əldə olunan gəlirlər 15.7 mln. dollar olub.
