Azərbaycan Respublikasının dövlət büdcəsinin profisiti mart ayında azalaraq 821.7 milyon manata düşüb.
Banker.az xəbər verir ki, bu barədə Dövlət Statistika Komitəsi məlumat yayıb.
Məlumata əsasən, dövlət büdcəsinin gəlirləri illik müqayisədə 11.4 faiz artaraq 9 milyard 234.3 milyon manat olduğu halda, büdcə xərcləri 28.1 faiz artaraq 8 milyard 412.6 milyon manat təşkil edib.
2024-cü ilin ilk iki ayında 1 mlrd. 302 mln. manat idi.
Xatırladaq ki, 2024-cü il dövlət büdcəsinin gəlirləri 34.17 mlrd. manat, xərcləri 36.76 mlrd. manat məbləğində təsdiq edilib.
