“Smart Technologies Solutions” QSC şirkəti 2023-cü ili 2 milyon 170 min manat xalis mənfəət ilə başa vurub.
Banker.az bu barədə şirkətin maliyyə hesabatına istinadən xəbər verir.
Ötən il “Smart Technologies Solutions” QSC 7 milyon 141 min manat gəlir əldə edib. Cəmi əməliyyat xərcləri isə 4 milyon 429 min manat olub. Nəticədə şirkətin əməliyyat mənfəti 2 milyon 712 min manat təşkil edib. 542 min 469 manat mənfəət vergisi ödənişindən sonra QSC ili 2 milyon 170 min manat xalis mənfəətlə tamamlayıb.
Hesabat dövründə şirkətin aktivləri 1 milyon 94 min manatdan 2 milyon 870 min manata, cəmi kapitalı 726 min manatdan 1 milyon 840 min manata çatıb.
“Smart Technologies Solutions” Qapalı Səhmdar Cəmiyyəti metal-konstruksiya, boru işləri, kimyəvi təmizləmə, şlanqlarin hazırlanması, hidravlik malların istehsalı, istilik dəyişdiricilərin təmiri, hidravlik yuyulma və yağ analizi, proqramlaşdirma və texniki xidmətlərin hazırlanması və quraşdırılması ilə məşğul olur.
