Maskın ucuz elektrik avtomobillərinin istehsalını sürətləndirməyi vəd etməsindən sonra “Tesla” səhmləri yüksəlir. Bakı vaxtı ilə saat 12:43-ə olan məlumata görə, “Tesla”nın Nasdaq birjasında premarketdəki səhmləri 10.1% artaraq 159.3 dollara çatıb. CNBC qeyd edir ki, aprelin 23-də postmarketdə elektrik avtomobil istehsalçısının səhmləri 13% artıb.
Aprelin 23-də “Tesla” 2024-cü ilin birinci rübünün maliyyə nəticələrini açıqlayıb. Şirkətin gəliri 9% azalaraq 21.3 milyard dollara düşüb: bu, 2012-ci ildən bəri ən böyük azalmadır, CNBC yazır.
“London Stock Exchange Group”un (LSEG) sorğusunda iştirak edən analitiklər “Tesla”nın gəlirinin 22.15 milyard dollara çatacağını gözləyirdilər. Şirkətin xalis gəliri 55% azalaraq 1.13 milyard dollar və ya hər səhmə görə 0.34 dollar olub.
Zəif hesabata baxmayaraq, “Tesla” səhmləri İlon Mask şirkətin daha sərfəli elektrik avtomobil modellərinin istehsalını sürətləndirəcəyini söylədikdən sonra yüksəlib.
