Azərbaycanın iqtisadiyyat naziri Mikayıl Cabbarov Səudiyyə Ərəbistanında keçirilən Dünya İqtisadi Forumunun “Qlobal əməkdaşlıq, artım və enerji inkişafı” tədbirində iştirak edəcək.
Bu barədə nazir sosial şəbəkədə bildirib.
“Səudiyyə Ərəbistanı Krallığına səfərimiz çərçivəsində İslam İnkişaf Bankının 50 illiyinə həsr olunmuş Qızıl Yubileyi və İllik Toplantısında, həmçinin Dünya İqtisadi Forumunun “Qlobal əməkdaşlıq, artım və enerji inkişafı” tədbirində iştirak edəcəyik. Səudiyyə Ərəbistanının və digər ölkələrin rəsmiləri ilə əlaqələrimizin gündəliyində olan məsələlərə dair ikitərəfli görüşlər keçirəcəyik”, – o yazıb.
