“Brand Finance China 500” hesabatına əsasən, “TikTok” Çin Sənaye və Kommersiya Bankını (ICBC) keçərək ölkənin ən bahalı markası olub. Bildirilir ki, sosial şəbəkəsinin brend dəyəri il ərzində 28% (84.2 milyard dollar), bankın dəyəri isə cəmi 3.3% (71.8 milyard dollar) artıb.
Üçüncü yerdə “State Grid Corporation of China” (+21%, 71.15 milyard dollar), dördüncü yerdə isə “China Construction Bank” (+4.7%, 60.4 milyard dollar) dayanır. İlk beşliyi “Agricultural Bank Of China” tamamlayır (+4.7%, 60.4 milyard dollar).
“Bank of China” (+6.6%, 50.5 milyard dollara qədər) səkkizinci yerdən altıncı yerə yüksəlib. Yeddinci yeri spirtli içki brendi “Moutai” (+0.7%, 50.1 milyard dollara qədər) saxlayıb.
“Ping An” sığorta brendi 0.7% (44.4 milyard dollara qədər) ucuzlaşıb, lakin eyni zamanda reytinqdə doqquzuncu yerdən səkkizinci yerə yüksəlib. Telekommunikasiya brendi “China Mobile”in dəyəri 2% artaraq 44.2 milyard dollara çatıb.
“WeChat” messencerinin dəyəri 16.8% azalaraq 41.8 milyard dollara qədər azalıb. Şirkət reytinqdə onuncu yeri tutub.
“Huawei” brendi ilk 10-luqdan kənarda qalıb və bu il on ikinci yerdədir.
Reytinqdə yeganə avtomobil markası BYD olaraq qalır, onun dəyəri son bir ildə 20% (12.1 milyard dollara qədər) artıb.
