“WhatsApp” messencerində statusları təkrar paylaşmağa (repost) imkan verən yeni funksiya olacaq. Bu barədə “WABetaInfo” portalı məlumat yayıb.
Mütəxəssislər bildiriblər ki, yeni funksiya vaxta qənaət edir və məzmunun paylaşılmasını asanlaşdırır.
İstifadəçilərə qeyd olunduqları statusları təkrar paylaşmağa imkan verəcək yeni funksiya inkişaf mərhələsindədir. İlkin olaraq yenilik yalnız Android istifadəçiləri üçün əlçatan olacaq.
