“Binance” platformasının Bakı vaxtı ilə saat 12:50-də əldə etdiyi məlumata görə, ticarət zamanı “Bitcoin”in dəyəri 6.34% artaraq 61 004 min dollara yüksəlib, Banker.az bu barədə Kommersant.ru-ya istinadən xəbər verir.
Avqustun 9-na keçən gecə kriptovalyutanın qiyməti 62 min dollara çatıb. “Ethereum” kriptovalyutası son 24 saat ərzində faiz baxımından təxminən 10% dəyər qazanıb. Bakı vaxtı ilə saat 11:50-ə olan məlumata görə, “Ethereum” 2671 dollar səviyyəsində ticarət olunur.
Bazar ertəsi, avqustun 5-də “Bitcoin”in qiyməti 50 min dollardan aşağı düşüb, kriptovalyuta 18% dəyər itirib ki, bu da 2021-ci ildən bəri ən böyük eniş olub. “Bloomberg”in yazdığı kimi, azalma ABŞ-nin iqtisadi perspektivləri ilə bağlı narahatlıqları əks etdirən səhmlərin qlobal satışının güclənməsi fonunda baş verir.
Bundan əlavə, Yaxın Şərqdə geosiyasi gərginlik artaraq investorların ehtiyatlılığını artırıb. Avqustun 6-da kriptovalyutanın düşməsi bir qədər yavaşlayıb. “Bitcoin” daha sonra 2.5% bahalaşaraq 55 765 dollar olub.
Avqustun 5-də Asiya-Sakit Okean regionunda birjalarda ticarət zamanı fond indeksləri çöküb. Səbəb Yaponiya Mərkəzi Bankının əsas uçot dərəcəsini 0-0.1%-dən 0.25%-ə qaldırmaq qərarından sonra başlayan səhmlərin qlobal satışı olub. Aparıcı Avropa indeksləri 2% azalıb.
