“Advanced Micro Devices” (AMD) ABŞ-də yerləşən süni intellekt server avadanlıq təchizatçısı “ZT Systems”i almaq üçün prinsipial razılığa gəldiyini açıqlayıb, Banker.az bu barədə Kommersant.ru-ya istinadən xəbər verir. “AMD” şirkəti “ZT Systems”in bütün səhmlərini geri alacaq, onların 75%-ni nağd, qalan hissəsini isə öz səhmləri ilə ödəyəcək. Bildirilir ki, müqavilənin dəyəri 4.9 milyard dollardır.
“AMD”nin baş direktoru Lisa Su izah edib ki, “ZT”nin alışı onun şirkətinin “Microsoft” kimi bulud hesablama nəhəngləri ilə ayaqlaşmaq üçün ən yeni süni intellekt GPU-larını daha tez sınaqdan keçirmək və yerləşdirmək üçün zəruridir.
Bundan əlavə, Lisa Su bildirib ki, “ZT” ilə əməliyyatı bağladıqdan sonra “AMD” bütün server biznesini ayıraraq şirkətə çevirmək və sonra satmaq niyyətindədir. Bununla belə, “AMD” hələlik potensial alıcılarla danışıqlar aparmayıb.
