Amerikalı sahibkar və “Neuralink”in qurucusu İlon Mask yaxın 10 il ərzində milyonlarla insana beyin çiplərini implantasiya etməyi planlaşdırdığını bildirib. Bu barədə o, “X” sosial şəbəkəsində yazıb.
“Hər şey yaxşı olarsa, bir neçə il ərzində yüzlərlə, beş il ərzində on minlərlə, on il ərzində isə milyonlarla insan “Neuralink” alacaq”, – milyarder bildirib, Banker.az bu barədə Vedomosti-yə istinadən xəbər verir.
Xatırladaq ki, avqustun 5-də məlum olub ki, ikinci xəstəyə “Neuralink” çipi yerləşdirib. May ayında “The Wall Street Journal” qəzeti yazıb ki, bunun üçün şirkət ABŞ hakimiyyət orqanlarından müvafiq icazə alıb.
“Neuralink” çipi ilk dəfə yanvar ayında Noland Arbo adında bir şəxsə implantasiya edilib. O, iflicdir və son səkkiz il ərzində qollarını çiyinlərindən aşağı hərəkət etdirə bilmir. Cihaz ona düşüncə gücü ilə bədənini idarə etməyə imkan verir.
