Mikrobloq xidməti olan “Threads” (“Meta”ya məxsusdur) yoxa çıxan mesajlar funksiyasını sınaqdan keçirir. Hələki yenilik yalnız məhdud sayda istifadəçi üçün əlçatandır, Banker.az bu barədə Kommersant.ru-ya istinadən xəbər verir.
Bildirilir ki, mesajlar onlara verilən cavablarla birlikdə silinəcək. Daha əvvəl “Threads” müəyyən müddətdən sonra köhnə yazıları gizlədən avtomatik arxivləşdirmə funksiyasını təqdim etmişdi, lakin istifadəçilər onu mənfi qarşılamışdı.
Şirkət həmçinin platformaya kontenti xronoloji ardıcıllıqla çeşidləmək imkanı əlavə etmək niyyətindədir.
