Əli Mirzəyevin sahibi olduğu “Qardaşlar Mebel” QSC 2023-cü ildə 1 milyon 241 min manat xalis mənfəət əldə etməklə, illik bu göstəricisin 30 faiz artırmış oldu. Halbuki, mebel satışlarını həyata keçirən şirkət 2022-ci ildə cəmi 951 manat xalis mənfəət əldə etmişdi.
Banker.az xəbər verir ki, şirkətin gəlirləri 15 mln. 065 min manat olmaqla illik 36 faiz artıma nail ola bildi. 2022-ci ildə cəmi 11 milyon 048 min manat gəliri vardı.
Şirkətin ümumilikdə xərcləri isə 13 milyon 638 min manat olub.
“Qardaşlar Mebel”in keçən il əldə etdiyi xalis mənfəətdən sonra 1 yanvar 2024-cü il tarxinə olan bölüşdürülməmiş mənfəəti 3 milyon 159 min manat təşkil edib. Cəmi kapital və ya xalis aktivlərin həcmi 6 milyon 955 min manatdır. Bunun yalnız 3 min manatı nizamnamə kapiatlı qalan 4 milyon 381 min manat isə kapital ehtiyatlarıdır.
Şirkətin nizamnamə kapitalı 2 səhm, hər biri 1525 manatdır. Hazırkı dəyərləndirməyə əsasən səhmin real dəyəri 4 560 manatdır.
“Qardaşlar Mebel” şirkəti 2015-ci ildən fəaliyyət göstərir və səhmdarı 100 faiz payla Əli Mirzəyev Məmməd oğludur. Şirkətin icra strukturuna isə onun qardaşı Hüseyn Mirzəyev rəhbərlik edir.
