Neft bazarı Yaxın Şərqdəki risklərə münasibətdə “çox tez rahatlaşıb”, ABŞ seçkilərindən sonra İsrail və İran arasında yenilənən gərginlik qiymətləri artıracaq.
Banker.az xəbər verir ki, bu barədə Böyük Britaniyanın bankı “Standard Chartered Plc” bildirir.
“Biz hücumların uzun müddət davam edəcək şəkildə artma riskini görürük, hərbi və ya diplomatik həllin dərhal perspektivinin olmadığını düşünürük”, – deyə analitiklər, o cümlədən Emily Eşford və Paul Horsnell 29 oktyabr hesabatında yazıblar.
Yanvarın 20-də prezident inauqurasiyasına qədər olan iki aylıq dövr mümkün “gərginliyin intensivləşməsi pəncərəsi” kimi qiymətləndirilir.
İsrailin İrana qarşı son cavab zərbəsi OPEC istehsalçısının enerji infrastrukturuna toxunmadığı üçün bazar ertəsi xam neftin qiymətləri iki ildən çox müddətdə ən böyük enişi yaşadı. Bu hədəf seçimi həm xam neft axınlarına dair dərhal risklərə dair narahatlıqları azaltdı, həm də investorların diqqətini 2025-ci ildə qlobal neft balanslarının pisləşməsi gözləntilərinə yönəltdi.
“Son bir ildə bazarda hər bir Yaxın Şərq geosiyasi risk artımı de-eskalasiya kimi qəbul edilir”, – deyə analitiklər qeyd ediblər. Hazırda İsrail İranda bir çox məqsədlərinə nail olmuş kimi görünmür və ABŞ seçkiləri başa çatdıqdan sonra daha geniş hərəkət imkanlarının “ehtimalı əhəmiyyətli dərəcədə artacaq”, – deyə vurğulayıblar.
“Standard Chartered”ə görə, qlobal “Brent” markalı neftin qiyməti 2025-ci ilin birinci rübündə bir barelə görə 89 dollar, “WTI” isə 86 dollar səviyyəsində proqnozlaşdırılır.
“Brent”in son ticarət qiyməti 71 dollardan yuxarı idi və bu il 7%-dən çox düşüb.
