İtalyan moda evi “Prada SpA” “Versace” brendini ala bilər. Bu barədə mənbələrə istinadən “Il Sole 24 Ore” qəzeti məlumat yayıb.
Sövdələşmənin mümkünlüyü və onun perspektivləri məsləhətçi kimi fəaliyyət göstərən investisiya bankı “Citigroup Inc” ilə müzakirə edilir.
2024-cü ilin noyabrında məlum olub ki, “Versace” moda evinin sahibi olan Amerika holdinq şirkəti “Capri Holdings” aktivlərindən bir neçə brendi satışa çıxara bilər.
“Il Sole 24 Ore” qeyd edir ki, holdinqin inkişafı qlobal tələbin, xüsusən də Çində azalması ilə dayandırılıb. Qəzet izah edir ki, brendin gəliri sürətlə azalır.
Konqlomerat həmçinin “Michael Kors” və “Jimmy Choo” brendlərinin sahibidir. Keçən il “TD Securities” analitikləri “Versace”nin Avropa holdinqləri üçün maraqlı ola biləcəyini irəli sürüblər.
