Azərbaycanda əcnəbilərin depozitlərinin həcmi 1 milyard 328 milyon manata yüksəlməklə tarixi maksimuma yüksəlib.
Banker.az Azərbaycan Mərkəzi Bankına istinadən xəbər verir ki, söhbətin cari ilin əvvəlinə olan göstəricidən gedir.
Bu son bir ildə 7 faiz və son iki ildə isə 13 faiz artımdır.
Digər maraqlı məqam ondan ibarətdir ki, qeyri-rezidentlərin depozitlərində manatın payının artmasıdır. Belə ki, bir il öncə əcnəbilərin manatda olan depozitlərinin həcmi 2023-cü ilin əvvəlində 27 faiz, 2024-cü ilin əvvəlində 31 faiz olduğu halda, 2025-ci ilin əvvəlinə bu rəqəm 36 faizə yüksəlib.
Əcnəbilərin depozitlərinin 472 milyon manatı yerli valyutada və 856 milyon manat ekvivalenti isə xarici valyutadadır.
Bununla belə, qeyri-rezidentlər Azərbaycandakı depozitlərinin böyük hissəsi, yəni 828 milyon manat ekvivalenti qısamüddətlidir.
Qeyd edək ki, 1 yanvar 2025-ci il tarixinə ölkədə ümumilikdə fiziki şəxslərin 14 milyard 662 milyon ekv. olmaqla, bunun da 13 milyard 334 milyon manat ekv. rezidentlərin depozitləridir.
